“Duam garantimin e jetës së palestinezëve”, Hamasi i vendos Izraelit kushtin për arritjen e armëpushimit 30/04 22:17
Në disa foto të ashpra nga veriu i Kanadasë pasqyrohet sulmi brutal i një foke leopard që i këput kokën penguinit 4 kilogramësh që bie në kurthin e saj.
Imazhet u kapën në 15 minuta nga fotografi Yuri Choufour nga Vancouver, i cili shikoi sesi foka 250 kilogramëshe luante fillimisht me prenë e saj të vogël, para se t’i këpuste kokën me nofullat e fuqishme dhe më pas ta gllabëronte.
Pas suksesit të gjuetisë së saj foka nxjerr më pas kokën mbi sipërfqen e ujit e kënaqur.
Yuri thotë: “Fokat leopard janë thuajse maja e zinxhirit ushqimor në Antarktikë, teksa predatorët e tyre të vetëm janë orkat. Fokat leopard hanë peshq, molusqe, oktapodë e specie të tjera, por njihen për mënyrat mizore me të cilat gjuajnë pinguinët. Nganjëherë ato luajnë me prenë e tyre para se ta vrasin”.
“Kur kalon shumë kohë në Antarktikë nis t’i duash pinguinët, kështu që nuk është e thjeshtë të shikosh këtë zog që lufton më kot për jetën e tij”.
“Reagimet e njerëzve janë zakonisht një përzierje mrekullimi dhe shokimi, por kuptohet që shumica janë të tmerruar nga qartësia e imazheve”.
Fokat leopard quhen kështu pasi kanë njolla të errëta në lëkurën e tyre, në motive të ngjashme me felinin me të njëjtin emër.
Ato janë predatorët më të ashpër të gjahut me gjak të nxehtë, ku përfshihen edhe foka më të vogla.
Top Channel
