Tërmeti i fuqishëm në Japoni, lëshohet urdhër evakuimi për 300,000 njerëz 28/07 16:31
Skema e ngjyrave
Madhësia e shkrimit
Demetris Syllouris
Qipro po pezullon një skemë që jep shtetësinë dhe garanton udhëtimin pa viza në të gjithë BE për ata që investojnë një minimum prej 2 milion euro (1.8 milion).
Kjo vjen pasi gazetarët e Al Jazeera filmuan zyrtarë qipriotë duke përdorur skemën për të ndihmuar një biznesmen kinez me një histori kriminale.
Një nga ata që filmuan ishte kryetari i parlamentit i Qipros, Demetris Syllouris, i cili tha se ai do të tërhiqej derisa të përfundonte hetimi.
Masa hyn në fuqi muajin tjetër.
Z. Syllouris, i cili është zyrtari i dytë më i lartë shtetëror i Qipros, tha se ai do të tërhiqej nga detyrat e tij nga 19 Tetori.
Në pamjet video të kapura nga gazetarët e fshehtë të Al Jazeera dhe të publikuara të hënën, Z. Syllouris duket se përdor ndikimin e tij për të ndihmuar në marrjen e shtetësisë për biznesmenin fiktiv.
Të martën, Z. Syllouris dha një deklaratë duke kërkuar falje për “këtë imazh të pakëndshëm të përcjellë tek publiku Qipriot … dhe çdo shqetësim që mund të ketë shkaktuar”.
Deklarata e tij erdhi menjëherë pasi qeveria tha se kishte miratuar një propozim për të pezulluar skemën – programin e shtetësisë për investime.
Top Channel
