Po transportonin dru me fuoristrada/ Arrestohen 4 persona në Korçë
11/10/2020 12:38
Aksident në Vlorë, dy makina përplasen “kokë më kokë” dhe dëmtojnë automjetin e parkuar! Plagoset shoferja
30/04 22:39
Katër shtetas kanë rënë në pranga në Korçë, gjatë një operacioni për goditjen e veprimtarisë së paligjshme të prerjes së pyjeve.
Bëhet fjalë për S. T., 23 vjeç; O. B., 40 vjeç; D. P., 30 vjeç dhe E. T., 29 vjeç, banues në fshatin Vithkuq, Korçë.
Shtetasit e mësipërm, janë kapur nga forcat e Policisë, në afërsi të fshatit Shtyllë dhe vendit të quajtur “Qafa e Martës”, duke transportuar me 4 automjete tip fuoristrada një sasi prej 12 m sterë dru zjarri të llojit ah, pa dokumentacionin përkatës, të cilat u sekuestruan në cilësinë e provës materiale së bashku me mjetet e përdorura për prerjen e druve, motorseka dhe sopata.
Materialet i kaluan Prokurorisë pranë Gjykatës së Shkallës së Parë Korçë për veprën penale “Prerja e paligjshme e pyjeve”.
Top Channel
