Skema e ‘mashtrimit’ me kreditë/ Prokuroria e Tiranës i kërkon SPAK-ut të hetojë guvernatorin Sejko, reagon Banka e Shqipërisë: Gati të japim sqarimet e duhura 03/05 23:26
Së fundmi, qarkulloi kudo në media lajmi se kryetari i Partisë Demokatike, Lulzim Basha ka blerë një vilë të re në kompleksin “Long Hill” në Lundër të Tiranës, çka solli reagimin e zyrës së shtypit të PD-së, ku sipas kësaj të fundit, informacioni në fjalë u argumentua kështu:
“Pas disa dëmeve të shkaktuara nga tërmeti, banesa e zotit Basha do të duhet t’i nënshtrohet disa punimeve të domosdoshme. Për këtë arsye zoti Basha dhe familja e tij janë zhvendosur përkohësisht në një banese me qira”.
Pra transferimi i Bashës në vilën në fjalë, sipas PD-së erdhi për shkak se pallati ku ai jetonte ishte dëmtuar nga tërmeti dhe se ishte zhvendosur në vilën me qira deri sa të riparohej, pretendim që u hodh poshtë nga Bashkia Tiranë.
Burime për Bashkinë e Tiranës shprehen se pallati nuk ka pësuar asnjë dëmtim nga tërmeti, përjashtuar disa dëmtime elementare të bojës.
E gjithë struktura e pallatit i është nënshtruar ekspertizës nga grupi i Institutit të Ndërtimit me inxhinier Agron Hysenlliu, Lindita Gjergji, Afrim Çenga, Gerti Çela Besjana Memoçi dhe Joana Kaçorri, por edhe disa specialistë të drejtorisë së Emergjencave Civile, të cilët në raportin teknik të përpiluar shprehen se pallati ku Basha jeton në katin e fundit nuk është prekur nga tërmeti.
Nisur nga informacionet që mund të gjenden në internet prej agjencive imobiliare, lidhur me kompleksin “Long Hill”, një vilë në këtë zonë (me parkim, oborr dhe pishinë) jepet me qira për të paktën 2500 euro në muaj, ndërsa për të blerë një të tillë duhen rreth 410 mijë euro.
Top Channel
