Edi Rama është i bindur se do i siguroje 84 votat e duhura për të ndryshuar kodin zgjedhor edhe pse opozita parlamentare ka kërcënuar me bojkot.
Një ditë para miratimit në parlament të ligjit zgjedhor, Presidenti nuk i kurseu paralajmërimet ndaj Edi Ramës të cilit i kërkoi të respektojë marrëveshjen e 5 qershorit, në të kundërt sipas kryetarit të shtetit shqiptarët do përgatiten për referendumin më të madh në 30 vite kundër asaj që Ilir Meta e cilësoi si sekt dhe bandë oligarkësh.
Parashikimet nuk mungojnë as për të ardhmen e tij.
Si kryetar i Partisë Socialiste Edi Rama njoftoi nisjen e vlerësimit të deputetëve përmes një platforme online, ku anëtarësia do votojë të preferuarin. Filtrit të bazës nuk do i shpëtojne as ministrat.
Rama sulmoi proçesin e përzgjedhjes së kandidatëve të kundërshtarit politik duke e cilësuar si farsë, ndërsa injoroi kërkesën e Lulzim Bashës për përballje televizive.
Top Channel
