Kompania shqiptare “One“ vlerësohet në mënyrë të veçantë nga SHBA-ja
03/10/2020 19:24
“Dikur na lodhnin kur i thirrnim në prokurori, sot rrinë gatitu”, ish-prokurori: SPAK-u po “u thyen turinjtë” politikanëve të paprekshëm 06/05 15:04
Sekretari i Shtetit të SHBA-së Keith Krach dhe kryeministri Edi Rama
Kompania “One“që udhëhiqet nga investitori shqiptar Elvin Guri ka marrë vlerësim të veçantë nga nën sekretari i Shtetit të SHBA-së Keith Krach.
Ai shprehu mirënjohjen në emër të Presidentit Donald Trump që Shqipëria i është bashkuar listës së vendeve me rrjet të pastër 5G. Z. Krach falenderoi gjithashtu operatorin e vetëm shqiptar që i është bashkuar kësaj inisiative, ONE Telecommunications, duke cituar drejtorin e saj ekzekutiv.
Emil Georgakiev: “One Telecommunications vazhdon të tregojë angazhim për të ruajtur standardet më të larta të sigurisë për klientët tanë dhe partnerët tanë duke përdorur vetëm mjete të besuara”.
ONE Telecommunication u bë kompania e parë nga Shqipëria dhe rajoni që iu bashkua dhe u angazhua në iniciativën e rrjeteve të pastra. Si pjesë e kësaj iniciative, ONE Telecommunications angazhohet të mos përdorë pajisje transmetuese, kontrolli, kompjuterike apo ruajtjeje nga kompani të pasigurta teknologjikisht.
Rrjeti i Pastër adreson kërcënimet afat-gjata që ka pasur në privatësinë e të dhënave, sigurinë, të drejtat e njeriut dhe bashkëpunimin e besuar mes vendeve të lira të botës. Rrjeti i Pastër i ka rrënjët në standardet digjitale të pranuara ndërkombëtarisht. Është strategji shumë-vjeçare e krijuar mbi koalicione të partnerëve, kompanive dhe shteteve të besuara.
Top Channel
