Dënohet 24 vjet burg turku që copëtoi të bijën “se erdhi e pirë në shtëpi”

30/09/2020 16:02

Një punonjës dyqani kebapi në Turqi është dënuar sot me 24 vjet burgim për vrasjen e të bijës me thikë dhe copëtimin e trupit të saj.

Hasan Uslu mbyti kërcimtaren 32-vjeçare Didem Uslu dhe më pas futi në ngrirëse copat e trupit të saj, sepse ‘erdhi në shtëpi e pirë.’

Vrasja makabre ka ndodhur në qytezën Kesan në provincën veri-perëndimore turke Edirne.

Uslu tha në gjykatë se ishte faji i bijës së tij, pasi kishte ofenduar të ëmën dhe kishte debatuar me të atin, i cili i kishte urdhëruar të tregojë respekt.
Kur ajo kishte ngritur përsëri zërin ai kishte humbur arsyen dhe e kishte mbytur.

Kuzhinieri i kebapëve ishte arrestuar pasi krahu i vajzës ishte gjetur i mbështjellë me gazetë në një zonë pyjore lokale nga një njeri që po mblidhte boçe pishash më 9 janar.
Policia zbuloi nga shenjat e gishtërinjve se trupi ishte i Didem Uslu.

Hetimet e mëtejshme zbuluan se i ati ishte fshehur aty trupin e të ndjerës copë pas cope.

Uslu mori pjesë në seancë gjyqësore me lidhje video, ndërsa gruaja e tij e akuzuar se nuk raportoi për krimin, nuk ishte prezente.

Babai kërkoi të lirohej nga burgu sepse trembet mos infektohet me Covid-19 në burg, duke argumentuar se mosha dhe gjendja e keqe shëndetësore e bëjnë person të rrezikuar.
Por gjykata vendosi se Uslu kishte vrarë me dashje vajzën e tij dhe e dënoi me 24 vjet burg.

Uslu pretendon se Didem kishte ofenduar atë dhe gruan e tij natën e 14 dhjetorit 2018, sipas mediave turke.

Nëna e Didem, Sati Uslu dhe motra më e vogël Ozlem gjithashtu u ndaluan nga policia gjatë hetimeve për krimin e tmerrshëm në Kesan. Ozlem tashmë është liruar.

FOTO GALERI
1/6
Kërcimtarja 32-vjeçare Didem Uslu u vra nga i ati sepse 'erdhi në shtëpi e pirë.'

Top Channel