Avioni përplaset me disa kamionë teksa zbriste në pistë, tre të plagosur 17/11 22:57
Nuk ka më ecje me dy këmbë, lojra me top apo kërcime përmes rrethit në flakë.
Franca ka vendosur të ndryshojë cirkun tradicional: jo më kafshë të egra brenda 2025. Lajmi është bërë i ditur nga ministrja për tranzicionin ekologjik, Barbara Pompili.
“Po ndërmarrim një seri masash për të favorizuar mirëqënien e kafshëve që nuk jetojnë në liri”.
Me reformën e re, do të ndalohet edhe prezantimi apo shumimi i orkave dhe delfinëve në tre akuariumet e mëdha të vendit. Sipas ministres, brenda pesë viteve të ardhshme, mund t’i jepet fund edhe rritjes së vizonëve të Amerikës me qëllim që të përdoret peliçja e tyre.
Grupet e të drejtave të kafshëve, e përshëndetën menjëherë vendimin, duke e quajtur një fitore historike.
“Të hapen shishet e shampanjës. Faleminderit të gjithë atyre që ndihmuan në arritjen e këtij rezultati”, tha grupi PETA.
Edhe mbrojtësja më e zëshme e kafshëve në Francë, aktorja veterane Brigitte Bardor, e përshëndeti vendimin.
Mbi 20 vende evropiane kanë ndaluar apo kufizuar shumë përdorimin e kafshëve për argëtim. Rreth 400 këshilla lokalë në Francë kanë ndërkohë plane për ndalime të tilla.
Top Channel
