“Ç’lidhje kam unë”/ Basha tregon si u bë ministër Transportesh dhe si lindi projekti për rrugën e Kombit: Berisha më tha ‘Lul, ti je jurist dhe…’ 05/05 22:11
TIRANË- Kryeministri Edi Rama në konferencën për gazetarët i është kundërpërgjigjur kreut të Partisë Demokratike, Lulzim Basha pas propozimeve të këtij të fundit për të dalë nga kriza e Covid-19 me 5 hapa.
Rama nuk i ka kursyer edhe etiketimet duket e cilësuar Bashën si ‘shalqi me provë’. Më tej Rama ka thënë se shkuarja në ekstrem me propozime të ashtuquajtura platforma alternativa është shprehje e mungesës së seriozitetit.
“Për atë që e quani kandidati për kryeministër është shalqi me provë, domethenë i pangrënshëm. Nuk është i ardhur nga hëna por ka qenë në provë disa herë. Shkuarja në ekstrem me propozime të ashtuquajtura platforma alternativa është shprehje e mungesës së seriozitetit. Mungesë serioziteti e provuar në kohën kur këtë vend e qeveriste tjetër kush. Larg qoftë që flama e COVID-it ta kishte gjetur këtë vend me këtë kandidatin dhe klubin e opozitës së bashkuar në pushtet dhe të gjente këtë vend me spitalet dhe shërbimet shëndetësore që gjetëm në kur na besuan shqiptarët, kapacitetet profesionale. Mjafton ta kujtoni atë kohë për të kuptuar që kjo nuk është një betejë mes nesh dhe aq më pak mes meje dhe shalqiut me provë që është në krye të opozitës. Një betejë e jona me vetveten dhe kohën. Koha nuk pret sepse shqiptarët kanë pritur shumë. Kjo nuk është mes nesh dhe atyre, është mes nesh dhe kohës”, deklaroi Rama.
Top Channel
