Derbi do luhet me tifozë, FSHF “fal” me llogari Tiranën para Partizanit 25/11 16:26
Skuadra e Pep Guardiola ka pësuar humbje befasuese në “Etihad Stadium” nga Leicester City me rezultat 2:5.
“Citizens” e filluan mirë takimin pasi realizuan golin e epërsisë pas vetëm 4 minutave lojë përmes sulmuesit algjerian Ryad Mahrez, por kjo ishte e gjitha nga ana e tyre, pasi që në vijim mysafirët morën gjithçka nën kontroll.
Ishte sulmuesi në top-formë Jamie Vardy ai i cili realizoi një hat-trick në minutat 37’,57’ dhe 58 për ta përmbysur furishëm rezultatin, derisa mesfushori James Maddison e thelloi epërsinë në 1:4 me një gol të bukur në minutën 77.
Krejt çfarë bëri Manchester City ishte realizimi edhe i golit të dytë në minutën 84 përmes Ake, por Leicesteri sërish u kundërpërgjigj duke realizuar golin e pestë për rezultatin final 2:5.
Me këtë fitore, Leicester City kryeson tabelën e Premier Ligës me nëntë pikë të mbledhura pas tre ndeshjeve të zhvilluara.
Top Channel
