Shqipëria në sytë e udhëtarëve/ Teresa dhe David i bien botës përqark. Vendi ynë destinacioni i 137-të

26/09/2020 12:56

David dhe Teresa janë një çift amerikan të cilët jetojnë në Kaloforni dhe prej një jete kanë nisur një aventure së bashku, ata duan të vizitojnë 195 shtete të botës. Shqipëria është shteti i tyre i 137 dhe të lumtur pasi kanë vizituar disa qytete ata na tregojnë se çfarë përshtypjesh u la vendi ynë.

“Kemi qenë në Himarë -Vlorë -Durrës dhe Tiranë.

Na pëlqyen të gjithë qytetet sepse janë shumë unik pra të veçantë, pjesa bregdetare ishte fantastike , bëmë shëtitje në qytete të ndryshme dhe njerëzit janë shumë miqësor kudo ne shtetin tuaj.”

“Uji është fantastik blu i pastër dhe këtë periudhe s’kishte shumë njerëz ndaj ishte qetë, ndërsa sa i përket kryeqytetit Tirana me kujton Parisin me pemë dhe bulevarde është këndshëm.”

Por periudha e coronavirusit i ndikoi jo pak në jetën e tyre, ata tregojnë se në Tiranë janë të lumtur që më në fund nuk e përdorin maskën aq shumë sa në Amerikë dhe madje mund te përqafojnë dhe t’i japin dorën njerëzve të tjerë.

“Për ne nuk ishte e zakonshme që të shihnim aq shumë njerëz me maska në Amerike sepse aty e kërkojnë me detyrim madje duhet te kemi dhe dezinfektant me vete, vetë para pak javësh u hapen restorantet ndërsa këtu mund tu japësh dorën njerëzve dhe janë shumë të pakët ata që përdorin maskë.”

“Askush nuk përqafon te ne  në Amerike apo të të japin dorën, qëndrojnë 1 metër larg dhe nuk janë më miqësor, nuk janë si këtu. Ju jeni të këndshëm dhe miqësor.”

Top Channel