Pushtimi rus, Ukraina ka humbur 40% të tokës që kontrollonte në rajonin Kursk të Rusisë 24/11 18:00
Një ngjarje e rrallë në Florida ka marrë vëmendjen e mediave botërore.
Një grua shtatzënë është hedhur në ujë për të shpëtuar të shoqin nga sulmi i një peshkaqeni, dhe ia ka dalë mbanë! Policia thotë se 30 vjeçari Andrew Charles Eddy, sapo kishte hyrë për të notuar kur u kafshua nga grabitqari i rrezikshëm.
E shoqja, Margot Dukes-Eddy, sapo pa peshkaqenin dhe gjakun e bashkëshortit që mbushi ujin nuk u mendua dy herë, por u hodh për ta ndihmuar. Margot arriti ta tërhiqte të shoqin e ta shpëtonte.
Të afërm të tjerë thirrën menjëherë shërbimin e urgjencës. 30 vjecari u dërgua në qendrën e traumës në Miami me plagë të rënda në shpatull. Gjendja e tij është kritike, megjithatë duket se po stabilizohet. Çifti nga Georgia ishte për pushime në Florida së bashku me familjen dhe kishin qenë duke lundruar me një anije private.
Në ujë kishte pasur dhe disa persona të tjerë kur kishte Andrew për të notuar, por vetëm ai u sulmua nga peshkaqeni. Florida ka numrin më të madh të sulmeve të këtij lloji në botë, me 21 raportime në 2019-tën.
Top Channel
