![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Australiania Jocelyn Zakhour nga Melbourne, fajësonte një nga viktimat, të cilit i kishte zhvatur më shumë se 700,000 dollarë australianë, se ishte shumë budalla që i besonte gënjeshtrat e saj.
Është burgosur së fundmi një mashtruese që ka zhvatur më shumë se $500 000 nga njohjet e reja në rrjetin Tinder, për të kënaqur varësinë e saj nga bizhozi.
Zakhour, e cila jetonte pranë kazinosë Crown Casino në Melbourne, bindte të njohurit e saj të rinj t’i jepnin shuma të mëdha parash për fermën e saj të boronicave, duke përdorur si shantazhin ashtu dhe taktika më të buta zhvatjeje.
Bixhoxhia e rangut të lartë, 41 vjecare, shpërtheu në lot në sallën e gjyqit në Victoria kur u dënua më katër vite e gjysmë burg, nga të cilat dy vjet e tetë muaj pa të drejtë lirie me kusht.
Zakhour i kishte premtuar viktimës së saj të parë të mashtrimit një fitim prej 300 përqind para se ai t’i dorëzonte aus$723,700.
Për të vijuar të kërkonte para, ajo i thoshte më tej se ferma e saj e boronicave ishte lidhur me prodhim ilegal cigaresh prandaj ai duhet të paguante pasi nuk e bënin ajo kërcënonte se do t’i lëndonte familjen.
E akuzuara i kishte dërguar viktimës së saj të parë 240 email-e, duke kërcënuar ish-gruan e tij, fëmijët dhe nënën, para se burri nisi të merrte para borxh për të vijuar pagesat ndaj saj.
Zakhour komentonte më pas se ai ishte ‘budalla’ që i besonte gënjeshtrat e saj.
“Ky ishte një shfrytëzim i paepur dhe ti ke thyer tashmë aftësinë e këtyre burrave për të besuar ata që kanë pranë,” i tha gjykatësi Gregory Lyon.
Viktima e saj e dytë ishte një planifikues financiar të cilin ajo e bindi të transferonte $61,000 pas gënjeshtrës se Zakhour duhet të blente pajisje për fermën dhe të mbulonte rrogat e punëtorëve.
Një psikolog tha në gjykatë se e akuzuara ishte bërë e varur nga ushteti mbi burrat.
Zakhour pranoi gjashtë akuza përfitimi financial me mashtrim, tre akuza shantazhi dhe dy akuza zhvatje me kërcënim për dhunë e plagosje.
Top Channel