Mijëra fermerë protestojnë në Londër kundër taksës së re të qeverisë laburiste (fotot)
19/11 16:54
Ekspertët paralajmërojnë se megjithë anullimin e sivjetshem, festat ilegale të Oktoberfest mund të shkaktojnë valën e dytë të koronavirusit në Gjermani.
Festivali me famë botërore i birrës që zhvillohet në Munich u anullua këtë vit prej pandemisë për herë të parë që prej Luftës II Botërore.
Por dhjetra bare në qytetin e Bavarisë po planifikojnë eventet e tyre alternative të quajtura Oktoberfest në Pub (WirtshausWiesn).
Në javët në vijim rreth 50 bare të mëdha do të mbajnë evente tematike dhe disa nga parqet e lojrave tashmë janë hapur në qytet.
“Për ne, Oktoberfest nuk është as vendndodhje as event. Është një sens i thellë jetese që ne kemi në brendësi,” tha Gregor Lemke, zëdhënës i shoqatës së bareve të qytetit.
Por festa e birrës vjen në një kohë kur Gjermania është godiur nga një rritje e konsiderueshme e infektimeve të reja.
Ekspertët e shëndetësisë thonë se distancimi social dhe maskat e fytyrës do të “fluturojnë nga dritarja” pas vërshimit të birrës.
Infektimet e reja në Gjermani kanë arritur nivelin më të lartë që prej prillit, njoftoi të shtunën Instituti Robert Koch me 2,297 raste të reja në 24 orë.
Në Munich numri mesatar i infektimeve ishte 50 për çdo 100,000 banorë javës që shkoi.
Krye-virologu gjerman Christian Drosten ka paralajmëruar se situata mund të përshkallëzohet shpejt “ashtu si dhe në vendet e tjera evropiane”.
Zhvillimi vjen teksa Gjermania po bëhet “e mërzitur” nga distancimi social që i ka lënë vendin asaj që njihet si “lodhja prej pandemisë”.
Megjitha rritjen e infeksioneve në valën e dytë të pandemisë në Evropë, kjo nuk është përkthyer në shifra të larta vdekjesh.
Top Channel
