Ka ndërruar jetë në spital 39-vjeçari Armando Baboçi i cili bashkë me të birin Erald Gjini 19 vjeç u plagosën në një lokal në Durrës pas një sherri të çastit.
Nuk është ende i qartë motivi i ngjarjes, po fillimisht babë e bir janë konfliktuar me autorin duke përdorur fillimisht sende të forta, si shkop bejzbolli dhe mjete rrethanore e më pas palët kanë nxjerrë armët.
I plagosur ka mbetur dhe i dyshuari si autor i ngjarjes, Erik Totozi. Ai është dërguar në Spitalin e Traumës në Tiranë. Ndërsa 19-vjeçari Erald Gjini është jashtë rrezikut për jetën.
Dyshohet se autori i dyshuar po i ndiqte teksa lëviznin me automjet dhe kur ata kanë ndaluar ka nisur përleshja fizike, që ka përfunduar në përdorim armësh dhe vdekjen e njërit prej personave të përfshirë në konflikt.
Ngjarja ndodhi në lagjen Nr.13, në Durrës dhe në polici u shoqëruan 6 shtetas.
Top Channel
