Presidentin e Real Madrid e lënë nervat, sulmon Shqipërinë për “Topin e Artë. Ja si e “përgënjeshtron” Besnik Dizdari 24/11 21:11
Tashmë nuk ka më dyshime! Jose Mourinho do të ketë në skuadrën e tij dy përforcimet e rëndësishme që synonte.
Është marrëveshja për transferimet e Gareth Bale dhe Sergio Regulion nga Reali i Madridit te Tottenham Hotspur, madje dy lojtarët kanë kaluar edhe vizitat mjekësore në Madrid dhe në orët e ardhshme do të udhëtojnë drejt Londrës për të firmosur kontratat dhe për t’u prezantuar te Spurs-at.
Nëse Regulion do të transferohet në formë përfundimtare për shumën e 30 milionë eurove, Gareth Bale do të huazohet për një sezon te Tottenham. Për uellsianin do të jetë një rikthim ky pasi në Londër ka luajtur për shumë vite. Reali do t’i paguajë 60% të pagës prej 17 milionë eurosh Bales, ndërsa Tottenham do të paguajë vetëm 40% të kësaj shifre.
Nga krahu tjetër Regulion shkëlqeu si i huazuar te Sevilla me të cilët u kualifikua në Champions League nëpërmjet kampionatit dhe fitoi Europa League dhe do të jetë një vlerë e shtuar për anglezët në krahun e majtë të mbrojtjes. Ndërkohë që cilësitë e Bale dihen dhe ajo çfarë ka bërë ai në të kaluarën me Tottenham është ende në mendjen e tifozëve të Spurs.
Top Channel
