Zaev në Athinë/ Takim me Mitsotakis

Kështu që pritej që Kryeministri i Maqedonisë së Veriut do të merrte rrugën për Athinë, menjëherë pas zgjedhjeve dhe formimit të qeverisë në Maqedoninë e Veriut, së bashku me dy zëvendëskryeministrat e tij, Nikolla Dimitrov dhe Fatmir Bytyqi dhe Ministrin e Jashtëm, Bujar Osmani.Zaev ishte ftuar në konferencën vjetore të revistës Economist të mbajtur në Gjirin e Lagonisit. Fatkeqësisht, ai nuk pati kohë të notonte në ujërat e bukura të Atikës, pasi programi i tij ishte shumë i ngjeshur. Në konferencë foli për situatën në Ballkanin Perëndimor dhe vizionet e qeverisë së tij në rrugën e gjatë drejt BE-së.

Dhe më pas u takua me Presidenten e Greqisë, Katerina Sakellaropoulou, me mikun e tij të ri Mitsotakis dhe me shokun e tij të vjetër, ish-Kryeministrin Alexis Tsipras. Për delegacionin e Maqedonisë së Veriut, vizita në Athinë nuk ishte më delikate. Opinioni publik grek nuk është i interesuar për Maqedoninë e Veriut në këtë moment, nuk ka më klimë armiqësore “kundër Skopianëve” , dhe Marrëveshjen e Prespës e kanë pranuar tashmë edhe kundërshtarët më të ashpër të saj nga partia Demokracia e Re në pushtet.

“Gjithçka që Mitsotakis ka bërë që kur u bë Kryeministër i Greqisë është pozitive për Maqedoninë e Veriut,” i tha Zaev, Euronews-it para takimit me Kryeministrin Grek. Dhe pak a shumë kjo është e vërtetë.Athina përpiqet t’i harrojë fjalët e zjarrta të Mitsotakisit kundër Marreveshjes se Prespës në vitin 2018 dhe britmat për “tradhti” kundër Tsiprasit, i cili e realizoi marrëveshjen me Zaevin. Tani është koha për bashkëpunim dhe zbatimin e marrëveshjes historike dhe “thellimin e marrëdhënieve bilaterale”, siç theksoi edhe presidentja greke në takimin e saj me Zaevin.

Mitsotakis dhe Zaev: Në drekën e përbashkët të dy kryeministrave, menyja përmbante dhe zhvillimin e bashkëpunimit ekonomik midis dy vendeve.

Mbështetje e vendosur

Sakellaropoulou shprehu mbështetje të vendosur të Greqisë për kursin evropian të Maqedonisë së Veriut, ndërsa Zaevi foli për “frytet e Marrëveshjes së Prespës” dhe për “hapësirën e madhe të bashkëpunimit midis Maqedonisë së Veriut dhe partneres strategjike te saj, Greqisë”.Në drekën e përbashkët të dy kryeministrave, menyja përmbante dhe zhvillimin e bashkëpunimit ekonomik midis dy vendeve.

“Le të punojmë së bashku tani, të bëjmë biznes, të përmirësojmë jetën e qytetarëve tanë,” ishte motoja e Mitsotakisit. Ata folën edhe për perspektivën evropiane të Maqedonisë së Veriut pasi më në fund u realizua anëtarësimi i vendit në NATO.Gjatë vizitës së tij në Athinë, Zaevi gjithashtu iu referua tensioneve në Mesdheun juglindor dhe bëri thirrje për dialog midis Athinës dhe Ankarasë.

“Çështja është e rëndësishme për të gjithë rajonin, jo vetëm për Greqinë dhe Turqinë,” theksoi Kryeministri i Maqedonisë së Veriut. Për Zaevin e vetmja mënyrë për të zgjidhur problemet midis fqinjëve është përmes dialogut – dhe ai e di sa i vështirë është ai. Tani ai shpreson që këtë mund ta bëjnë edhe Athina dhe Ankaraja. Para se Zaevi të largohej nga Athina, ai pati edhe një takim me ish-homologun e tij nga Marrëveshjes së Prespës, Tsipras. E ky do të ishte takimi më i ngrohtë.

Top Channel