Sekuestrohen 636 mijë paketa cigaresh, nuk kishin pullë fiskale
17/09/2020 19:23
Shqipëria mbetet pa ambasador në Zvicër, Mustafa Nano jep dorëheqjen 25/12 01:14
Një sasi prej 636 mijë paketash cigare është sekuestruar në doganën e Hanit të Hotit, pasi ishte pa pullë fiskale.
Gjatë kontrolleve të autoriteteve doganore mbi mjetin tipit trajler me targa të Bullgarisë, i cili ka hyrë në territorin doganor Shqiptar nga Mali i Zi, po transportonte ngarkesën prej 1 272 koli cigare, ose 636 mijë paketa cigaresh.
Paketat e cigares nuk ishin të pajisura me pullë fiskale të Republikës së Shqipërisë apo të ndonjë vendi tjetër. Nëse ky mall do të hidhej në treg, vlera e detyrimeve doganore që duhet të paguhej është 99. 7 milion lekë ose afro 1 miliardë lekë. Autoritetet doganore sekuestruan trajlerin së bashku me sasinë e mallit prej 636 mijë paketa cigaresh, ndërsa materialet iu referuan prokurorisë Shkodër.
Top Channel
