Dezertori rus tregon sekretet e bazave bërthamore të Putinit: Ditën që nisi pushtimi i Ukrainës na tha se… 26/11 11:52
Për të parën herë, Republika Çeke raportoi mbi 2,000 persona të infektuar me koronavirus brenda një dite.
Ministria e Shëndetësisë atje ka regjistruar 2,140 raste të reja me koronavirus në 24 orë. Shteti me më shumë se 10 milionë banorë është përballur me një rritje të numrit të të infektuarve këtë muaj, shifra këto që nuk janë parë as gjatë valës së parë të shpërthimit të koronavirusit në muajin mars.
Për shkak të kësaj rritjeje, qeveria ka ashpërsuar vendimet, duke përfshirë vendosjen e maskës si dhe ka kufizuar orarin e punës së restoranteve dhe bareve. Një ditë më parë, autoritetet çeke thanë gjithashtu se do të ndalohen organizimet e brendshme me pjesëmarrës në këmbë.
Zyrtarët vendas janë duke synuar që ta shmangin izolimin kombëtar të zbatuar në fillimet e pandemisë, i cili pati pasoja të forta në ekonomi. Që prej shpërthimit të sëmundjes, ky shteti i Evropës Qendrore ka raportuar më shumë se 41,000 raste infektimi dhe 482 vdekje.
Top Channel
