Prindërit refuzojnë shkollën/ Në Greqi disa familje nuk i çojnë fëmijët në ditën e parë
15/09/2020 12:26
Tentoi të fuste në Shqipëri 24 mijë euro pa i deklaruar në Morinë, nën hetim 45-vjeçari. Policia sekuestron paratë 16/04 12:02
Zilja e pare e vitit te ri shkollor është dëgjuar mëngjesin e së hënës duke shënuar rihapjen e shkollave në kushte krejtësisht të ndryshme nga vitet e tjera, në një moment kur Greqia duket se kalon fazën me kritike të pandemisë me mbi 250 raste në dite, ndërsa edhe numri i viktimave dhe pacientet me terapi intensive janë rritur ndjeshëm.
Fëmijët ndjehen pak çuditshëm se është hera e parë, por besoj se do të mësohen.
Megjithëse ka pasur disa gupe prindërish që kanë refuzuar të dërgojnë në shkollë me maska fëmijët e tyre, të cilët nuk janë lejuar të hyjnë në klasa, pjesa tjetër ka respektuar masat e vendosura nga ministria e Arsimit dhe ajo e Shëndetësisë, për mbajtjen e detyrueshme të tyre.
“Duhet të ruajmë distancën, të mbajmë maskën dhe të lajmë shpesh duart.” tha një nxënëse.
Natyrisht nuk është lenë pa u komentuar fakti përse klerikët ,duke filluar nga kryepeshkopi i vendit nuk kanë vendosur maskë gjatë kryerjes së shërbesës së bekimit të vitit të ri akademik.
Ndërsa edhe opozita ka kritikuar qeverinë pasi nuk ka marrë mësues shtesë dhe nuk ka siguruar kushte në klasa për të mos pasur shumë fëmijë brenda.
Ndërsa në rrjetet sociale gjithashtu kanë qarkulluar shumë fotografi me disa maska të cilat ka shpërndarë Ministria e Arsimit falas nëpër shkolla , por që kanë qenë të përmasave tepër të mëdha.
Sipas udhëzimeve të organeve përkatëse një shkollë do të mbyllet përkohësisht nëse do të ketë më shumë se 3 raste me Covid-19.
Top Channel
