Drejtori i policisë rrëfen itinerarin që bëri autori i vrasjes së Martin Canit: Ja kush ia bëri foton me dorën e plagosur në makinë 28/11 22:44
Kryeministri Edi Rama sot në Turqi është takuar edhe me Presidentin e Azerbajxhanit Ilham Aljev ku thotë se kanë diskutuar edhe për çështjen e rafinerisë së Ballshit, ku punëtorët sot zhvilluan dhe protesta.
“Me Presidentin e Azerbajxhanit, mikun e mirë Ilham Aljev, vendosëm sot në Turqi disa piketa mbi bashkëpunimin në sektorët e energjisë dhe turizmit.
Prekëm konkretisht edhe çështjen e Rafinerisë së Ballshit, ku së fundmi është përfshirë një kompani azere, duke kërkuar dhe marrë angazhimin e Presidentin për të ndihmuar në zgjidhjen afatgjatë të problemit të krijuar nga privatizimi famëkeq i viteve më parë”, shkruan Rama në Facebook.
Kujtojmë se naftëtarët protestuan paraditen e së hënës përpara hyrjes së Rafinerisë së naftës në Ballsh. Duke mos lejuar futjen e askujt brenda ambienteve të uzinës. Protesta u organizua kundër drejtuesve të rafinerisë, të cilët nuk kanë mbajtur premtimet për nënshkrimin e kontratave individuale, marrjen e pagave dhe rifillimin e punës.
Sot kryeministri Rama gjithashtu u takua në Turqi edhe me Presidentin Erdogan, me të cilin diskutoi një sërë çështjesh që lidhen me ekonominë.
Top Channel
