Putin bën deklaratën e fortë: Biden më propozoi shtyrjen e anëtarësimit të Ukrainës në NATO deri në 15 vite 26/12 22:29
Një stuhi e frikshme rëre goditi ankaranë të shtunën ndërsa zyrtarët thanë se gjashtë persona ishin lënduar si pasojë e erës së fortë.
Një video spektakolare e ndarë nga zyra e kryebashkiakut, tregonte një re tymi gjigande që gllabëronte ndërtesat. Një tjetër video e postuar në mediat sociale nga drejtoria e përgjithshme e meteorologjisë, tregonte renë e madhe të pluhurit që qëndronte mbi ndërtesat e kryeqytetit por edhe shumë rrufe.
Drejtoria tha në një postim në twitter se stuhia e rërës dhe shiu do të vazhdonte edhe për disa orë në kryeqytetin turk, që gjatë muajit të shkuar përjetoi një thatësirë të madhe dhe temperatura si jo zakonisht të larta.
Paralajmërime për erëra të forta dhe stuhi rëre u lëshuan edhe për provincën fqinje Kirikkale, në Turqinë Qendrore.
Gjashtë qytetarë u lënduan lehtë nga objekte në ajër si pasojë e erës së fortë në Polatli dhe lagjet përreth, sipas informacioneve paraprake – shkroi në twitter guvernatori i ankarasë, Vasin Sahin.
Top Channel
