Fermerët amerikanë thirrje Trump: Mos dëboni emigrantët e paligjshëm që punojnë në bujqësi 26/11 20:22
Presidenti amerikan pretendohet të ketë thënë se Kim Jong Un ka ekzekutuar me skuadër pushkatimi xhaxhain e tij, gjeneral Gang Song-thaek dhe më pas ka nxjerrë në shfaqje kokën e tij që ta shikonin të gjithë.
Kështu shkruan gazetari i vjetër amerikan Bob Woodward, sipas intervistave të tij me presidentin për librin e ri.
Aty shtohet se Trump mburret se lideri koreano-verior i thotë “gjithçka”, mes të cilave Kim i ka përshkruar në detaje sesi vrau xhaxhanë e vet. Kim më pas kishte ekzekutuar ndihmësit e ngushtë të gjeneralit, teksa dhe familja e tij besohet se është vrarë me urdhër të liderit.
Libri i ri tregon për një marrëdhënie të afërt mes Trump dhe Kim, që i përshtatet pëkufizimit të tyre si dy nga liderët më të kontestuar në botë.
Në një letër që iu tregua gazetarit, Trump ka pyetur Kim: “A bën ndonjëherë diçka tjetër përveçse të lëshosh raketa në ajër?
“Le të shkojmë njëherë bashkë në kinema, ose të bëjmë një lojë golf”.
Takimi mes dy liderëve në samitin e Singapore në qershor 2018 ishte i pari mes një presidenti amerikan dhe një udhëheqësi koreano-verior.
Trump i kishte treguar Woodward, i cili ka qenë më parë i famshëm për përshkrimin e skandalit presidencial të Watergate, se Kim i ka shkruar letra ku i drejtohet me “shkëlqesia juaj”.
Në një prej shkrimeve ai i thotë Trump se ishte “i lumtur që kemi krijuar lidhje të mira” që prej takimit historik me të në qershor 2018.
“Ndjehem i kënaqur që kam krijuar lidhje të mira me një burrë shteti të shquar e të fuqishëm si shkëlqesia juaj,” i shkruante Kim.
Top Channel
