Shteti i vetëm që nuk ka shpallur një fitues, pse vazhdon ende numërimi në Arizona 08/11 09:06
Mbesa e atij që njihet gjerësisht si organizator i sulmeve terroriste të 11 Shtatorit, Osama bin Laden ka thënë së fundmi se Donald Trump është i vetmi president që mund të parandalojë përsëritjen e masakrës famëkeqe në SHBA.
33 vjeçarja Noor bin Ladin, paralajmëroi se nëse zgjidhet demokrati Joe Biden një tjetër sulm mund të vijë, pasi të majtët në SHBA “janë bërë palë” me radikalizmin.
Në një intervistë me lokalen New York Post, bin Ladin, dega familjare e së cilës e shkruan ndryshe mbiemrin, tregoi se është mbështetëse e vjetër e Trump dhe se mban kapelet e tij ‘MAGA’ të fushatës në rrugët e Zvicrës ku banon.
Ajo fajëson administratën Obama/Biden për lejimin e fuqizimit të ISIS dhe thotë se vetëm Trump mund të ndalojë përsëritjen e ngjarjeve të rënda.
“ISIS ka lulëzuar me administratën Obama/Biden dhe kjo ka bërë që ata të vijnë në Evropë. Trump ka treguar e e mbron Amerikën dhe ne nga kërcënimet e huaja, duke mos i lejuar grupet terroriste të godasin.
Bin Ladin e lindur në Zvicër thotë se është “amerikane në zemër” pasi e ka vizituar shpesh vendin me nënën e saj që kur ishte tre vjeçe.
“Kam qenë mbështetëse e presidentit Trump prej fillimit në 2015. Ai duhet të rizgjidhet … kjo është vitale jo vetëm për Amerikën por dhe për civilizimin perëndimor në përgjithësi. Nëse shikojmë sulmet terroriste që kanë ndodhur në Evropë vitet e fundit, shihet që Islami radikal ka depërtuar në shoqëri”, thotë bin Ladin.
“Në SHBA është shumë shqetësuese që e majta është vendosur në anën e njerëzve që ndajnë këtë ideologji”.
Sondazhet thonë se vetëm 18 përqind e qytetarëve mbështesin punën e Trump, por ajo thotë se kjo nuk e ndalon të veshë kapelen e kuqe MAGA (Make America Great Again), kur shkon për të bërë pazarin.
“Isha njëherë në punën time kur një grua rreth 50 vjeçe më afrohet duke bërtitur e duke folur me agresivitet. Ajo thotë sesi mund të vesh kapelen e Trump, më tha tre herë ‘je budallaqe’. Por unë ruajta gjakftohtësinë, dhe sigurisht kapelen e mbajta”, tha ajo.
Top Channel
