Etiketat e ushqimeve në BE keqinformojnë e rrezikojnë shëndetin e publikut, thotë raporti i auditit (fotot)
26/11 18:22
Policia ka arrestuar sot 289 protestues në Hong Kong, të cilët po kundërshtojnë shtyrjen për zgjedhjen e këshillit legjislativ të qytetit dhe një ligji të ri të sigurisë kombëtare të prezantuar nga Kina.
Midis të arrestuarve janë të paktën dy aktivistë të shquar të Hong Kongut, Figo Chan i Frontit Civil për të Drejtat e Njeriut dhe ligjvënësi dhe aktivisti për një kohë të gjatë Leung Kwok.
Protestuesit thirrën “Pesë kërkesa, jo më pak!” dhe kërkuan nga Pekini zyrtar të lirojë 12 aktivistët e arrestuar së fundmi, të cilët u përpoqën të iknin në Tajvan me anije.Policia tha se thirrja e parullave të protestës është shkelje e rendit publik dhe masave epidemiologjike.
Udhëheqësja e Hong Kongut Carrie Lam ka shtyrë për një vit zgjedhjet e planifikuara për 6 shtator për legjislaturën në qendrën financiare aziatike, duke përmendur një rritje të rasteve të koronavirusit si arsyen e vonesës. Hong Kong regjistroi 4,879 raste të infeksionit dhe 94 njerëz vdiqën nga sëmundja.
Masa ishte një goditje për opozitën pro-demokracisë, e cila shpresonte të fitonte një shumicë historike në këshill, me vetëm gjysmën e vendeve të zgjedhura drejtpërdrejt dhe gjysmën e përbërë nga anëtarë tashmë të zgjedhur që mbështesin Pekinin.Zgjedhjet do të ishin votimi i parë zyrtar që kur një ligj i ri i sigurisë kombëtare u vendos në ish-koloninë britanike në qershor. Qeveria kineze këmbëngul se nuk kishte motive politike për vonesën.
Top Channel
