Formula 1 thyen rekordet! Kampionati më elitar i automobilizmit nga ky vit 2025 në Digitalb 02/01 16:57
Pas një sfide të përmbyllur me sukses ndaj Bjellorusisë, Kombëtarja është nisur sot drejt Tiranës.
Shqipëria mori një fitore komode dhe me vlera në Minsk ndaj Bjellorusisë në debutimin e këtij edicion të nations league, dhe 3 pikët në favor të kuqezinjve me nga një gol për çdo pjesë në transfertën më të vështirë të parashikuar, e bëjnë më të lehtë fushatën në futbollin kontinental.
Pas plot 10 muajsh mungesë, me një formacion të improvizuar por sulmues, trajneri Edoardo Reja diktoi avantazhin dhe Cikalleshi e Manaj iu afruan në minutat e para. Sulmuesi kavajas përmirësoi shënjestrën brenda fraksionit të parë, kur me një goditje fluturimthi nga distanca befasoi portierin Gutor, madje e bëri këtë pa parë kuadratin fare, pas topit nga Hysaj.
Kuqezinjtë ishin superiorë edhe pas pushimit por u mungoi pasimi final, e për të dyfishuar iu desh pak fat. Keidi Bare arriti të tundë për herë të dytë rrjetën e bjellorusëve kur goditja e mesfushorit të Malaga u devijua nga mbrojtja, duke nxjerrë jashtë loje portierin Gutor. Shqipëria administroi avantazhin e pastër në pjesën e mbetur, e tani pret e qetë impenjimin në shtëpi. Armata e trajnerit reja rikthehet në Air Albania Stadium për tu përballur me Lituaninë, rivali tjetër i grupit në këtë edicion të Kupës së Kombeve.
Top Channel
