40 gola në 8 ndeshje të Champions! Bayerni, Interi dhe Barcelona rrëmbejnë tre pikët, City shtanget nga Feyenoord (Rezultatet dhe Renditja) 26/11 23:02
Si të mos mjaftonte vështirësia për debutimin në Ligën e Kombeve këtë edicion, kombëtarja shqiptare do duhet të përballet edhe me një atmosferë të tendosur në kryeqytetin e Bjellorusisë për shkak të situatës politike.
Që prej zbarkimit në mbrëmjen e së mërkurës, futbollistët dhe stafi të kushtëzuar nga protestat në Minsk, por gjithashtu protokolli i rreptë shëndetësor prej pandemisë, kanë patur lëvizje të kufizuara dhe lëvizja e vetme është nga hoteli drejt “Dinamo National Olympic Stadium” ku do luhet sfida mbrëmjen e së premtes.
Shqipëria e trajnerit Reja kuptohet si skuadër favorite për kreun e grupit për Ligën e Kombeve, por këtë do duhet ta fitojë në fushë. Problemet burokratike dhe kufizimet kanë reduktuar listën e teknikut që tani duhet të improvizojë formacionin.
Strakosha pritet të mos lëvizë nga porta ndërsa para tij do rreshtohen Veseli, Hysaj, Gjimshiti dhe Dermaku. në mesfushë Abrashi do garantojë kilometrat e nevojshëm ndërsa me të Gjasula dhe Bare, ndërsa ofensiva do t’i besohet Cikalleshit dhe Manajt, me përjashtim të surprizave të minutës së fundit.
UEFA përcaktoi dhe arbitrat e sfidës së Minskut, me kryesor suedezin Cristoffer Karlson.
Top Channel
