Megaoperacioni i SPAK në Elbasan/ Detaje të reja, kontrolle edhe në banesat e dy ish-prokurorëve 25/11 14:43
Kryeministri Edi Rama teksa ka folur pas përfundimit të mbledhjes me grupin parlamentar të PS-së u tha deputetëve se nuk ka kohë për të për të rrotulluar arra nëpër gojë, pasi shqiptarët presin shumë nga PS-ja.
Rama tha se gjithësecili duhet t’i kërkojë llogari vetes.
“Askush sot nuk e ka të garantuar vendin në këtë skuadër. Është koha për të reflektuar se çfarë mund të bëj unë për PS-në . Koha për
të menduar se çfarë mund të bëjë PS për mua ka mbaruar. Kushdo nuk do jap gjithçka ka nuk do jetë pjesë e atij formacioni, PS është i vetmi emër që do e çojë Shqipërinë para“, tha ai.
“Është shumë e qartë se paaftësia dhe papërgjegjshmëria, që rëndon e stimuluar nga ligësia, e atyre që udhëheqin partitë e tjera, nuk mund të jenë arsye për ta fituar ndeshjen pa kundërshtarë. Është bindja ime si shqiptar, si qytetar dhe prind, se të gjithë e kanë potencialin për të qenë pjesë e skuadrës më 2021, por askush nuk e ka sot të garantuar këtë vend.
Atë do ta fitojë deri në fund, pa ‘nëse’ dhe pa ‘por’. Besoj se është një sezon me rëndësi të madhe, jo për rezultatin e zgjedhjeve, por për një ristart me energji të reja, duke bërë çdo ditë atë që duhet për t’iu përgjigjur pyetjes ‘çfarë bëra unë sot për PS’. Shqipëria do të vazhdojë kthesën e fortë dhe pa diskutim që në mandatin tonë të tretë Shqipëria do të jetë në një nivel tjetër”, tha Rama.
Top Channel
