Avioni me 181 pasagjerë përplaset me gardhin në aeroportin në Korenë e Jugut, 28 viktima 29/12 02:13
Një kompani amerikane e drejtuar nga veteranë ushtarakë është bashkuar në tenderin për blerjen e avionëve luftarakë për Kroacinë duke i ofruar vendit një numër më të madh të avionëve të përdorur F-16, në versionin origjinal.
Mediat kroate raportojnë se bëhet fjalë për kompaninë ProAeronautics, e cila i ofroi Kroacisë aeroplanë F-16A dhe F-16B me një çmim prej 11.5 deri në 14 milionë dollarë secili.
Kjo do të thotë që një skuadrilje prej 12 avionësh të përdorur F-16 do t’i kushtonte Kroacisë midis 140 dhe 170 milionë dollarë dhe kompania pretendon se këto janë avionë që mund të azhurnohen më pas në versionin Block 50.
Çmimi i ofruar nuk përfshin kostot e modernizimit në nivelin e bllokut 50, gjë që kërkon negociata shtesë.
“Sipas një deklarate të fundit nga ministri i Mbrojtjes i Kroacisë Mario Banoziq, Kroacia ka tre mundësi për blerjen e avionëve luftarakë. E para është blerja e avionëve të rinj nga Shtetet e Bashkuara ose Suedia. E dyta është blerja e luftëtarëve të përdorur evropianë Eurofighter italian ose Rafales franceze. Opsioni i tretë janë oferta e F-16 nga Norvegjia, Izraeli dhe Greqia. Tani është paraqitur një ofertues i F-16 nga Shtetet e Bashkuara,” transmetojnë mediat kroate duke iu referuar burimeve të njohura me situatën.
Sipas tyre, oferta për Kroacinë nga SHBA është më e favorshme sesa paketa e ofruar nga Greqia, e cila vlen 180 milionë dollarë.
Ndryshe, Forca Ajrore kroate tani përdor avionët MiG-21, të cilët kanë probleme të shpeshta për shkak të vjetërsisë dhe riparimeve problematike në Ukrainë.
Top Channel
Avioni me 181 pasagjerë përplaset me gardhin në aeroportin në Korenë e Jugut, 28 viktima 
