Plagosi me thikë 36-vjeçarin, arrestohet i riu në Gjirokastër

31/08/2020 16:07

Ilustrim

Gjirokastër- Një 21-vjeçar është vënë në prangat e policisë për shkak se akuzohet për plagosjen me thikë të një 36-vjeçari.

Ngjarja e rëndë ka ndodhur mbrëmjen e djeshme, në lagjen “Pazari i Vjetër”, Gjirokastër, pas një konflikti të çastit për motive të dobëta, ka goditur me mjet të mprehtë shtetasin G. L., 36 vjeç, banues në Gjirokastër. Ndërsa sot në pranga ka rënë autori Xh. L., 21 vjeç, banues në Gjirokastër.

Njoftimi i policisë:

Plagosi me mjet të mprehtë një shtetas, bie në pranga 21-vjeçari.

Specialistët për Hetimin e Krimeve në Komisariatin e Policisë Gjirokastër bënë arrestimin në flagrancë të shtetasit Xh. L., 21 vjeç, banues në Gjirokastër.

Arrestimi i këtij shtetasi u bë pasi, mbrëmjen e djeshme, në lagjen “Pazari i Vjetër”, Gjirokastër, pas një konflikti të çastit për motive të dobëta, ka goditur me mjet të mprehtë shtetasin G. L., 36 vjeç, banues në Gjirokastër.

Shërbimet e Komisariatit të Policisë Gjirokastër kanë shkuar menjëherë në vendin e ngjarjes dhe kanë vënë në pranga autorin e ngjarjes, shtetasin Xh. L.

Shtetasi G. L. ndodhet në Spitalin Rajonal Gjirokastër, jashtë rrezikut për jetën.

Materialet në ngarkim të shtetasit Xh. L. i kaluan Prokurorisë pranë Gjykatës së Shkallës së Parë Gjirokastër, për veprën penale “Plagosja e rëndë me dashje”.

Top Channel