Një person i armatosur hapi zjarr ndaj forcave të policisë, rrëzohet helikopteri që po ndihmonte efektivët në terren, dy të vdekur 05/02 21:35
Një kompani po ndihmon banorët të përballojnë temperaturat përvëluese në Dubai.
Në një kohë kur vera ka hyrë në kulmin e saj, një fabrikë akulli në emiratet e bashkuara arabe, shpërndan blloqe akulli në shtëpitë e banorëve të Dubait, si një mënyrë për të ftohur pishinat e tyre private.
Sipas drejtuesve të kompanisë, kërkesat për akull, veçanërisht për ta përdorur atë si freskues në pishina, fillojnë që në muajin prill dhe kërkesa është e lartë gjatë gjithë vitit. Veçanërisht këtë vit kërkesat kanë qenë të larta pasi për shkak të pandemisë njerëzit nuk kanë dalë shumë jashtë.
Shumëkush do që temperatura e ujit në pishinën e tyre të ulet me pesë deri në 10 gradë. Dikush e do temperaturën atje 30 gradë, dikush tjetër 25 gradë dhe në varësi të kërkesës është edhe numri i blloqeve që lëshohen në ujë.
Për vetë banorët, blloqet e akullit arrijnë ta reduktojnë temperaturën e ujit deri në masën e dëshiruar dhe kjo temperaturë zgjat për një periudhë të mjaftueshme. Ndaj, kalimi i fundjavës me miq e familjarë, pranë pishinës, bëhet më i pëlqyer në këtë mënyrë.
Top Channel
