Senati amerikan aprovon projektligjin për ndalimin apo shitjen e TikTok-ut 24/04 12:09
Quhet Beatrice Vittoria, dhe është vajza e sapolindur e gruas së parë që u shërua nga Covid 19 falë trajtimit me plazmën e pacientëve që e kishin kaluar me sukses sëmundjen.
E ëma e saj, Pamela Vincenzi qe prekur nga koronavirusi gjatë shtatzanisë dhe gjendja e saj u paraqit aq e rënduar sa mjekët vendosën të provonin vec të tjerash edhe terapinë e plazmës. Një gjë e tillë rezultoi vendimtare për 28 vjeçaren e kuruar në spitalin Carlo Poma të Mantovës, e cila sot konsiderohet si gruaja e parë shtatzënë në botë që arriti të shërohej me këtë lloj praktike.
Pamela ishte shtruar në spital në 9 prill në kushte shumë të rënda. Por pas transfuzionit të plazmës, në 21 prill doli prej andej, ndonëse përgjatë gjithë kohës pas kësaj, u mbajt nën kontroll nga mjekët. “Nuk mendoja se do të arrija deri në fund. Por gjatë këtyre muajve kemi qenë të dyja mirë, unë dhe vajza, edhe pse sërish shqetësohem prej virusit që vazhdon të mbetet në qarkullim”, ka rrëfyer nëna e re.
Emri I zgjedhur për të bijën nuk është rastësi. Pamela thotë se e konsideron Beatrice Vittorian si fitoren më të madhe të jetës së saj.
Top Channel
