Sulmoi kryeministrin sllovak, hetimi: 71-vjeçari nuk veproi vetëm, pjesë e një grupi.. 20/05 15:25
Këngëtarja britanike nga Manchester, Denise Johnson ka vdekur në moshën 53 vjeçare, njoftuan sot familjarët e saj. Ajo njihej për vokalin e muzikës së lehte e ritmike afro-britanike të viteve 1990-të me grupin Primal Scream dhe albumin e tyre Screamadelica.
Këngëtarja po publikonte albumin e saj solo më 25 shtator. Shkaku i vdekjes nuk është bërë i ditur ende.
Ajo raportohej se ishte sëmurur një javë para vdekjes por të premten kishte siguruar miqtë e saj se ndjehej “shumë më mirë”.
Pas lajmit të vdekjes, kolegia e grupit ‘Happy Mondays’, Rowetta i bënte homazh jetës së Johnson dhe forcës së vokalit të saj.
Ajo shkruante: “Lajm i trishtë sot. Kam kaq shumë kujtime nga Denise kur ishim të reja Një humbje e madhe për Manchester-in dhe për muzikën. Ngushëllime familjes dhe të dashurve”.
Kolegu i të ndjerës në grupin New Order, Stephen Morris shkruante: “I shokuar të dëgjoj se Denise Johnson ka ndërruar jetë. Një zonjë e mrekullueshme.”
E lindur në Manchester në vitet 60-të, Johnson u rrit nën ritmet e muzikës ‘reggae’ dhe ‘ska’ të cilat i dhanë formë dhe karrierës së saj në ritmet ‘dance’ dhe ‘soul’.
Top Channel
