Dënimi: 2 vite shërbim prove për Roland Kryemadhin dhe gruan e tij
27/07/2020 13:06
Konflikt fizik mes tre të rinjve në Vlorë, mollë sherri një vend parkimi 11/11 11:28
Skema e ngjyrave
Madhësia e shkrimit
Çifti Kryemadhi, Roland dhe Besa që akuzohen për keqtrajtim, pasi kanë refuzuar që të dërgojnë për shkollim tre vajzat e tyre të mitura, por që njihen dhe për prirjet radikale janë dënuar me 2 vite shërbim prove, bën me dijeni gazetarja Anila Hoxha.
Ata fillimisht morën dënimin për 3 vite burg por që u konvertua në 2 vite shërbim prove.
Top Channel ka raportuar ngjarjen hap pas hapi që nga momenti i arrestimit të Roland Kryemadhit në banesën e tij në Kamëz ku ai iu kundërpërgjigj forcave të policisë me kërcënimin e armës.
Roland Kryemadhi nxori një armë zjarri pistoletë dhe ka kanosur punonjësit e Policisë për vrasje në rast se do afroheshin dhe më pas është mbyllur në banesë.
Kryemadhi u konstatua jashtë banesës, ndonëse ishte në masën arrest shtëpie dhe pas këtij momenti ai kundërshtoi efektivët B.D; R.I dhe R.Gj.
Anila Hoxha ka raportuar më herët se gjatë kontrollit nuk u bë e mundur gjetja e pistoletës, ndërsa më pas në momentin e vetëdorëzimit, pasi u negociua dhe me ndihmën e RENEA, atij iu gjet vetëm një thikë me tehe nga të dyja anët.
Top Channel
