“Kur më shajnë nënën, s’pendohem”, grushtoi deputetin e ekstremit të djathtë dhe rrezikon 10 vite burg, Floros: Më nxori gishtin e mesit dhe… 25/04 12:21
Kina ka urdhëruar sot mbylljen e konsullatës amerikane në qytetin jugprëndimor të Chengdu, në një kundërpërgjigje të shpejtë ndaj masës së ngjashme të SHBA më herët, për mbylljen e konsullatës kineze në Houston.
Dje sekretari amerikan i shtetit Mike Pompeo argumentoi vendimin për konsullatën duke thënë se Kina “po vjedh” pronë intelektuale, ndërsa Kina tha sot se po mbyll konsullatën amerikane prej “përfshirjes në punë të brendshme të vendit”.
Tensionet mes dy vendeve janë të larta prej muajsh për një seri çështjesh. Administrata e presidentit Donald Trump është përplasur me Pekinin për tregtinë dhe pandeminë e koronavirusit, dhe së fundmi për ligjet e reja të sigurisë në Hong Kong.
Sot përsëri Uashingtoni nxiti Kinën të “heqë dorë nga veprimet dashakeqe duke mos u përfshirë në kundërpërgjigje kokë për kokë”.
Dje Pompeo kishte ashpërsuar më keq tonet teksa vizitonte një librari të ish-presidentit amerikan Richard Nixon, vizita e të cilit në Kinë në 1972 u pasua nga një periudhë marrdhëniesh pozitive mes dy vendeve.
Por Pompeo tha: “Sot Kina është gjithnjë e më shumë autoritare në shtëpi, dhe më agresive ndaj lirisë në vende të tjera. Bota e lirë duhet të triumfojë kundër kësaj tiranie”.
Sot ministria e jashtme kineze tha se po mbyllte konsullatën amerikane në Chengdu pasi stafi i saj “ka ndërhyrë në punët e brendshme të Kinës duke rrezikuar sigurinë dhe interesat e saj”.
Zëdhënësi Wang Wenbin shtoi se vendimi për mbylljen e konsullatës kineze në Houston bazohej në një “turli gënjeshtrash anti-kineze” dhe se deklarata e Pompeos ishte e mbushur me “anësi ideologjike dhe mentalitet të Luftës së Ftohtë”.
Top Channel
