Greqi/ Rikthehen zjarret, situata përsëritet dy vite pas tragjedisë së Mati-së

24/07/2020 01:34

Greqia është përfshirë përsëri nga zjarret. Të paktën katër fshatra, tre vendbanime më të vogla dhe një kamp fëmijësh për pushimet e verës janë evakuar afër qytetit të Korinthit për shkak të një zjarri të madh që është përhapur prej mbrëmjes të së mërkurës në këtë zonë.

Sipas burimeve nga repartet zjarrfikëse që operojnë me më shumë se 260 trupa, 61 mjete nga toka dhe 10 nga ajri , jane evakuar të paktën 4200 banorë .

Gjithashtu vlerësohet se ka shumë vatra zjarri që nuk janë ende në kontroll dhe pritet që orët e mbrëmjes të jenë të vështira. Zjarri në këtë zonë të Korinthit është një prej shumë zjarreve që po shkrumbojnë toke pyjore dhe bujqësore në shumë zona të vendit.

Gjatë 24 orëve të fundit janë raportuar vatra zjarri në Olimpinë e Lashtë, në Messini , Pelopones dhe në ishullin e Lesvos. Me urdhër të Zëvendës Ministrit të Mbrojtjes Civile, eshte aktivizuar edhe Shërbimin satelitor të Menaxhimit të Emergjencave me aprovimin edhe të BE-së për të zbuluar vatrat e reja të zjarreve dhe peëballimin e tyre.

Mëngjesin e së enjtes janë zhvilluar shumë ceremoni përkujtimore në Athine pasi sot mbushen dy vjet nga tragjedia e zjarreve vrastare në zonën e quajtur Mati, ku humbën jetën të paktën 102 banorë.

Top Channel