Përshkallëzohen tensionet, Hezbollahu lëshon dhjetëra raketa në bazën e ushtrisë izraelite 06/05 11:19
"Ka lindur Denis-i"
Banorët e fshatit më të vogël të Italisë po festojnë ardhjen në jetë të një banori të ri – Denisit, foshnja e parë që ka lindur atje në tetë vjet.
Me lindjen e vogëlushit, popullsia e Morterone-s, një komunitet malor në Lombardi, u rrit duke shkuar në 29 vetë.
“Ky është vërtet një moment kremtimi për të gjithë komunitetin”, tha për “Corriere della Sera”, kryetarja e komunës së Morterones, Antonella Invernizzi.
Prindërit e Denisit, Matteo dhe Sara, ndoqën traditën italiane të njoftimit të lindjes së fëmijës, duke vendosur një shirit – blu në derën e shtëpisë, e duke treguar kështu njëkohësisht se ishte djalë. Hera e fundit që në fshat ishte parë një shirit i tillë ishte në 2012-tën, kur lindi një foshnje vajzë. Sara rrëfeu sesi ishte shtatzënia e saj në kohë pandemie, kur koronavirusi goditi rëndë të gjithë rajonin e Lombardisë, por kurseu Morteronen, banorët e të cilit megjithatë u treguan të kujdesshëm.
“Nuk është e lehtë të presësh në fëmijë në kohë të tilla. Nuk del dot lirisht nga shtëpia e nuk ke mundësi të vizitosh të afëmit”, tha ajo. Ardhja në jetë e Denisit vjen në kohën kur vendi shënoi për 2019-tën 420.170 foshnje të lindura- niveli më i ulët ky i lindshmërisë atje që nga fillimi i regjistrimeve në 1861.
Top Channel
Top News/ Italia kërkon armëpushim në Ukrainë / Bisedime paqeje me Putinin, sanksionet nuk e ndaluan
Top News/ Qindra të arrestuar dhe 95 operacione/ Bilanci i policisë: U parandaluan ngjarje kriminale
