Grupet e shpëtimit në Detin e Kuq thonë se kanë gjetur 5 turistë të gjallë 30 orë pas katastrofës së jahtit (fotot)
27/11 16:24
Admirali Amerikan Robert P. Burke sot u bë Komandanti i 31-të i Komandës së Forcave të Përbashkëta Aleate në Napoli, nga e cila varet KFOR-i, si pasardhës i Admiralit James G. Foggo.
Sipas një njoftimi të KFOR-it, admirali Burke gjithashtu merr përsipër rolet e Komandantit të Flotës Detare të SHBA-së në Evropë dhe të Flotës Detare të SHA-ve në Afrikë.
Komandanti Suprem i Forcave Aleate për Evropë, Gjenerali Tod D. Wolters, kryesoi ceremoninë.
“Duke shprehur mendimet e tij për largimin nga Komanda e Forcave të Përbashkëta Aleate në Napoli, Admiral Foggo tha: “Falënderimet e mia të sinqerta për të gjithë stafin e Komandës së Forcave të Përbashkëta në Napoli, familjet tuaja dhe nikoqirët e mi të dashur italianë që e bënë kohën time në komandë në këtë vend të mrekullueshëm aq të dobishme: ka qenë nderi më i madh i jetës sime. Ne kemi arritur shumë dhe misioni ynë do të vazhdojë, i bashkuar si një familje e NATO-s. Ne vërtet jemi më të fortë së bashku. Gjithë të mirat në rrugëtimin tuaj”, thuhet në njoftim.
Gjatë fjalimit të tij të parë Admirali Burke tha se merrja e komandës së Flotës Detare të SHBA-së në Evropë dhe Afrikë dhe Komandës së Forcave të Përbashkëta Aleate në Napoli është një privilegj i vërtetë.
“Jam i nderuar që pranoj mantelin e përgjegjësisë nga Admirali Foggo dhe mezi pres që të punojmë së bashku me Aleatët dhe partnerët e NATO-s, gjersa ne vazhdojmë të parandalojmë dhe, nëse është e nevojshme, të mbrojmë Aleancën tonë në një mjedis gjithnjë e më kompleks të sigurisë.”
Ceremonia e Ndërrimit të Komandës u krye në përputhje me kufizimet e COVID-19, duke përfshirë pjesëmarrjen e zvogëluar, praktikimin e distancës sociale dhe teknologjive, siç janë video-telekonferencat, të përdorura në përputhje me dekretet italiane dhe për të mbajtur personelin dhe familjet e tyre të sigurt.
Top Channel
