Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Antitrupat e lamave të Amerikës Latine kanë dëshmuar se luftojnë me sukses koronavirusin në testet laboratorike.
Studiuesit thonë se këto anti-trupa mund të përdoren për mjekime efektive në pacientët me simptoma të rënda të Covid-19.
Një grup ekspertësh i institutit shkencor Rosalind Franklin në Universitetin e Oskford në Britani, tha se ka krijuar nanotrupa duke përdorur një përzierje anti-trupash nga qelizat e gjakut të lamave.
Ata zbuluan se anti-trupat arrinin të lidheshin me proteinën e virusit SARS-CoV-2, i cili më tej shkakton koronavirusin, duke ndaluar që ajo të depërtonte në qelizat njerëzore.
James Naismith, drejtori i Institutit Rosalind Franklin e profesor biologjie strukturore, tha se nanotrupat rezultuan një mënyrë efektive për të luftuar virusin.
Ai tha: “Ne kombinuam nanotrupat me një antitrup njerëzor dhe provuan se ky kombinim ishte më i fuqishëm sesa secila prej tyre e vetme. Kombinimet janë veçanërisht të dobishme pasi virusi duhet të ndryshojë shumë gjëra dhe në të njëjtën kohë edhe të largohet”.
Britania ka bërë së fundmi të detyrueshme maskat e fytyrës në ambiente të mbyllura deri në gjetjen e vaksinës.
Ministri britanik i Shëndetësisë, Matt Hancock tha se maskat do të jetë të detyrueshme dhe të shoqëruara me gjobë, prej 24 korrikut. Shkelësit do të gjobiten 100 paundë.
Top Channel
