Dezertori rus tregon sekretet e bazave bërthamore të Putinit: Ditën që nisi pushtimi i Ukrainës na tha se… 26/11 11:52
Qindra demonstrues u përleshën përsëri me policinë jashtë parlamentit të Serbisë. Protestat që filluan më 7 korrik kundër masave ndaj pandemisë, tashmë janë shëndruar në lëvizje antiqeveritare. Policia përdori gazlotsjellës për të shtyrë prapa protestuesit dhe për t’i parandaluar ata të hynin në ndërtesën e parlamentit.
Protestat në Beograd u mbajtën pavarësisht faktit se në fuqi është masa e ndalimit të tubimeve të më shumë se 10 personave, për të parandaluar përhapjen e koronavirusit të ri. Protesta kishte edhe në Novi Sad. Ashtu si në mbrëmjet e mëparshme, protestuesit mbartën një pankartë me mbishkrimin “Kushdo që të rrah me një shkop, ti i jep një revolucion”.
Disa qindra qytetarë u mblodhën gjithashtu në qendër të Nishit, një qytet në jug të Serbisë. Arsyeja e protestës së parë, të mbajtur të martën, më 7 korrik, ishte njoftimi për shtrëngimin e masave epidemiologjike, siç është vendosja e orës policore. Por, qeveria serbe nuk e miratoi një masë të tillë. Qytetarët tani thonë se kanë pakënaqësi për sjelljen e shtetit gjatë epidemisë së koronavirusit dhe politikën e Partisë Përparimtare Serbe në pushtet.
Qytetarët po protestojnë edhe për shkak të reagimit të policisë ndaj protestave të mëparshme. Protestat nuk kanë organizatorë. Thirrja për pjesëmarrje bëhet përmes rrjeteve sociale. Në një konferencë të jashtëzakonshme për media, kryeministrja serbe, Ana Bërnabiq u bëri thirrje qytetarëve që të mos dalin në rrugë dhe të mos mblidhen, për shkak të rrezikut të përhapjes së koronavisurit.
Në Serbi gjatë 24 orëve janë shënuar 18 viktima nga sëmundja COVID-19, që e shkakton koronavirusi i ri. Kryeministrja serbe tha se aktualisht 130 pacientë po trajtohen përmes respiratorëve. Më herët, ministri i Shëndetësisë në Qeverinë e Serbisë, Zllatibor Lonçar, tha se kapacitetet e spitaleve ku trajtohen pacientët me COVID-19 janë mbushur./REL
Top Channel
