Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Venecia ka testuar sot për herë të parë 78 portat e lëvizshme të fluksit të ujit, pas disa vite shtyrjesh prej burokracive dhe korrupsionit.
Sistemi Mose 1.5km i gjatë me digat e verdha të lëvizshme ishte një “projekt i fuqishëm për të cilin u deshën vite të përfundonte”, tha kryeministri Giuseppe Conte i pranishëm në përurim.
Zhvillimi vjen pasi në nëntor 2019 Venecia u përball me përmbytjet më të rënda në gjysmë shekulli.
Disa protesta nga aktivistë mjedisorë u zhvilluan sot në lagunë, ku pretendohej se barrierat dëmtojnë zonën.
Kritikët thonë se sistemi i portave është 10 vjet më vonesë. Puna e ndërtimit të Mose nisi në 2003, edhe pse projekti ishte dizenjuar e kompletuar në vitet 1980. Buxheti i tij është tejkaluar disa herë dhe çështjet e korrupsionit kanë sjellë arrestimin e dhjetra zyrtarëve.
Vjeshtën që shkoi më shumë se 80% e qytetit u përmbyt. Sot kryeministri dhe tre kolegë të kabinetit vizituan dhomën e kontrollit të portave në zonën Lido të Venecias, ku barrierat u ngritën dhe u ulën në tre hyrje.
Testimi i sotëm zgjati 90 minuta dhe zyrtarët thanë se për t’u ngritur në kapacitet të plotë barrierat kërkojnë gjysmë ore kohë.
Komisionerja e projektit Elisabetta Spitz tha se sistemi ka nevojë dhe për 18 muaj testime para se të vihet në funksion.
Top Channel
