Shtohen infektimet me Covid-19 në Elbasan, të prekurit dy infermierë dhe një mjek
10/07/2020 09:27
ELBASAN- Tre persona të tjerë kanë rezultuar pozitiv me Covid-19 në qytetin e Elbasanit.
Top Channel mëson se tre të infektuarit i përkasin stafit mjekësor të një qendre shëndetësore. Konkretisht rastet e infektuara janë një mjek dhe dy infermiere.
Ditën e fundit në vendin tonë janë shënuar 82 raste të reja me koronavirus. Pavarësisht se dje nuk është raportuar asnjë vdekje nga koronavirusi, situata në spitalin infektiv është e rëndë. Sipas ministrisë së Shëndetësisë, pacientët në terapi intensive janë duke u shtuar, ndërsa në spital janë 84 persona të shtruar.
Top Channel