Protestuesit në Bangladesh rrethojnë selinë e gazetës kryesore duke kërkuar mbylljen (fotot) 25/11 18:58
Kreu i Federatës Britanike të Policisë ka pranuar dje se njerëzit e dehur nuk janë të aftë të mbajnë distancën sociale pas hapjes së bareve e pub-eve në vend për herë të parë prej izolimit të koronavirusit.
John Apter tha se është “shumë e qartë” që klientët e këtyre vendeve nuk ruajnë dot distancën prej 1 deri në 2 metra, edhe pse sipas tij pandemia është shumë larg zhdukjes.
Ndërkohë imazhe nga qendra turistike e Londrës, Soho tregonin rrugë të mbushura me njerëz në fundjavë.
Apter tha gjatë turnit të tij të punës në qytetin e Southampton kishte pasur të bënte me “burra të zhveshur, të pirë të lumtur, të pirë të nevrikosur”, dhe tipe të tjera njerëzish problematikë.
“Aty u bë e qartë se njerëzit e pirë nuk mbajnë dot distancë fizike. Ishte një natë e ngarkuar dhe oficerët mezi rrinin ta mbanin nën kontroll. në zona të tjera ka pasur probleme me sulme ndaj oficerëve.”
Ndërkohë megjithë zbutjen e fundit të kufizimeve qeveria britanike e Boris Johnson dhe ekspertët kanë nxitur njerëzit t’i përmbahen rregullave për të evituar një valë të dytë koronavirusi.
Top Channel
