Mediat: Soros paguan studentët radikalë për të nxitur urrejtje në protestat pro dhe kundër Palestinës në SHBA (fotot)
27/04 21:53
Ish-kryeministri francez François Fillon dhe bashkëshortja e tij nga Uellsi, kanë marrë sot dënime me burgim për çështjen e vendeve të rreme të punës.
Politikani konservator u shpall fajtor për pagesën për Penelope Fillon prej 1.156 milionë euro, për detyrën e ndihmëses parlamentare, të cilën ajo nuk e ka bërë kurrë.
Ai është dënuar me pesë vjet burg, tre prej të cilave janë pezulluar. Bashkëshortes së tij iu dhanë tre vjet burgim.
Ky skandal ishte shkaku i anullimit të kandidaturës së tij presidenciale në vitin 2017. Të dy bashkëshortët kanë apeluar vendimin dhe kjo ndalon nisjen e burgimit të menjëhershëm të Fillon.
66-vjeçari është figura më e lartë politike franceze që merr dënim me burgim, që prej nisjes së Republikës së Pestë në 1958.
Maskat e koronavirusit që mbante çifti në sallën e gjyqit, pengonin të shiheshin reagimet e tyre gjatë dhënies së vendimit.
Në argumentimin e tij gjykatësi tha: “Pagesat nuk ishin në përputhje me punën e bërë. Zonja Fillon ishte punësuar në një post që nuk kishte asnjë funksion.”
Ajo u shpall fajtore në bashkëpunim për përvetësim dhe fshehje fondesh publike.
Të dyve iu dhanë gjoba prej €375,000 dhe u urdhëruan të kthenin 1milionë euro te fondet e parlamentit, ku Penelope Fillon ishte “e punësuar” nga viti 1998 deri në 2013.
Bashkëshorti i saj është ndaluar të mbajë post publik për të paktën 10 vjet.
Por çifti François e Penelope Fillon insiston se beteja ligjore nuk ka përfunduar dhe avokatët e tyre thonë se apeli do të japë një gjykim më të drejtë.
Top Channel
