Vijojnë diskutimet për armëpushim mes Izraelit dhe Gazës në Doha, zyrtarët palestinezë: Bisedimet janë 90% të përfunduara 25/12 22:52
Babai i nuses i prekur me koronavirus infekton 76 të ftuar dhe dasma kthehet në rast studimi.
Një vatër e nxehtë koronavirusi, shpërtheu gjatë një martese, e cila u kthye në rast studimi, pasi shpresohet se mund të ndihmojë në identifikimin e pacientit zero në Jordani.
76 të ftuar nga 360 që ishin të pranishëm në ceremoninë festive, u infektuan nga babai i nuses, i cili pak ditë më parë kishte qenë në Spanjë.
Gjithçka nisi në 13 mars, ditë kur u mbajt dasma. Nga personat që u infektuan në dasmë, njëri vdiq. Rasti në fjalë është publikuar në revistën amerikane “Centers for Disease Control and Prevention Usa”.
Babai i nuses, shfaqi simptomat e para të temperaturës së lartë, kollës dhe vështirësive në frymëmarrje dy ditë pas dasmës. Më 15 mars, ai shkoi në ndihmën e shpejtë, ku nga tamponi i bërë rezultoi pozitiv. I njëjti fat brenda një muaji u infektuan edhe 85 persona të tjerë, të lidhur direkt apo indirekt me dasmën, ku gjysma e tyre ishin asimptomatik, ndërsa dy në gjendje të rëndë.
Kjo bëri që një grua 80 vjeçare, e prekur edhe nga kanceri, të vdesë dy javë më vonë.
Studiuiesit e Jordan University of Science and Technology, po e analizojnë rastin dhe gjendjen e të ftuarve, pasi një muaj pasi morën pjesë në dasmë, të ftuarit përbënin 24% të rasteve me Covid-19, në të gjithë Jordaninë.
Top Channel
