Një futbollist i Bylis rezulton pozitiv me Covid-19.
24 orë para rifillimit të kampionatit dhe ndeshjes Bylis-Tirana e programuar për tu luajtur të mërkurën në orën 17:00 një lojtar i klubit nga Mallakastra ka dalë pozitiv me koronavirus.
Nga informacionet paraprake mësohet se lojtari ditët e fundit ka udhëtuar drejt Shkodrës nga ku mendohet se ka rënë në kontakt me virusin. Hetimi epidemiologjik vijon.
Burime për Top Channel bëjnë me dije se futbollisti i prekur me Covid-19 është E.Q. Mësohet se ai ka qenë pjesë e ndeshjes miqësore të luajtur në Fier ditën e shtunë, mes Apolonisë dhe Bylisit që u nda me rezultat 0-3.
Top Channel
