Fermerët amerikanë thirrje Trump: Mos dëboni emigrantët e paligjshëm që punojnë në bujqësi 26/11 20:22
Doktorët e koronavirusit në Itali kanë deklaruar sot se pandemia është ‘dobësuar shumë’ që prej vërshimin agresiv në të gjithë globin në fillim të vitit.
Kreu i spitalit San Raffaele në Milano, Dr Alberto Zangrillo tha se sëmundja është tashmë shumë më pak vrasëse dhe se ‘klinikisht nuk ekziston më në Itali.
Doktori i ish-kryeministrit Silvio Berlusconi tha se pacientët e rinj të infektuar së fundmi po tregojnë simptoma më të buta dhe se masa e virusit në sistemin e tyre trupor është reduktuar ndjeshëm në krahasim me periudhën e marsit.
Teoria shkencore sugjeron se virusi mund të bëhet më i dobët me qëllim që të mbijetojë, pasi vrasja ose gjymtimi i njerëzve mund të dëmtojë kapacitetin e përhapjes së tij.
Por jo të gjithë janë dakord me pretendimet.
Kreu i trupit shkencor qeveritar italian tha se ishte i çuditur nga pretendimet e Dr Zangrillo, kurse një epidemiolog i Stanford University në Britani i quajti ato “gjepura”.
Viruset si HIV dhe i ftohti i zakonshëm kanë pësuar të njëjtat mutacione thonë studiuesit, ndërsa kritikët thonë se ato e kanë bërë këtë gjatë shumë viteve, ndryshe nga koronavirusi i ri që njihet vetëm prej dhjetorit.
Studimi i San Raffaele bazohej në mostrat e marra nga 200 pacientë gjatë 10 ditëve të fundit, të cilat krahasoheshin me mostra të marra një muaj më parë. Drejtori i mikrobiologjisë së San Raffaele, Massimo Clementi tha se ngarkesa virale në mostra tregonte se virusi ishte dobësuar konsiderueshëm.
Top Channel
