FOTO/ E zhveshur me një 17-vjeçar në makinën e bashkëshortit, gruaja e zyrtarit të Ministrisë së Mbrojtjes rrezikon 20 vite burg
16/04 10:37
Një prift në Indi i ka prerë kokën një burri 52-vjeç, si një dhuratë ndaj “perëndive” për t’i dhënë fund koronavirusit në botë. Prifti 70-vjeçar Sansari Ojha, nga tempulli i Brahmani Devi, është arrestuar nga policia pasi i preu kokën Kumar Pradhan. Prifti hindu nga rajoni Bandhahuda, raportohet se vrau burrin si dhuratë ndaj “perëndive” për t’i dhënë fund pandemisë botërore.
Ndërkaq, oficeri i policisë Ashish Kumar Singh, tha se Sansari ishte i dehur ditën që ka ndodhur ngjarja, madje dhe në momentin e arrestimit ai ishte po në atë gjendje.
“Prifti pretendon se ka parë një perëndeshë në ëndërrën e tij, e cila i ka kërkuar të sakrifikojë jetën e një njeriu për t’i dhënë fund koronavirusit në botë. Prandaj për t’iu bindur urdhërit të “perëndeshës” prifti flijoi 52-vjeçarin”, tha Alok Ranjan Ray, zëdhënës i policisë.
Ndërkohë raportohet se trupi i pajetë i Kumar Pradhan pritet t’i nënshtrohet autopsisë, shkruan Daily Mail.
Top Channel
