Grenell mbetet emisar special i Trump për dialogun Kosovë-Serbi
24/05/2020 18:58
E rëndë në Kosovë/ Sherr për divorcin, 31-vjeçari qëllon me armë ish-vjehrrin 26/04 14:58
Zëdhënësi i ambasadorit Richard Grenell, Dick Custin, deklaroi sot se Grenell do të mbetet i dërguari special i presidentit amerikan në dialogun midis Beogradit dhe Prishtinës pas informacionit se ai po tërhiqet nga pozita e ambasadorit në Berlin.
“Ai pret që dialogu të vazhdojë sa më shpejt, pasi që të përfundojë formimi i qeverisë së Kosovës”, tha Custin, duke iu përgjigjur pyetjes së Tanjug nëse vendimi do të ndikonte në ndonjë mënyrë në rolin e tij si emisar special i Trump në dialogun Beograd-Prishtinë.
Richard Grenell konfirmoi më herët sot se ai do të largohet nga pozita e ambasadorit amerikan në Gjermani.
Ai shkroi “E vërteta” në Twitterin e tij, duke iu përgjigjur kështu postimit të “Daily Wire” se do të linte postin e ambasadorit.
Përveç pozitës së ambasadorit, Grenell kreu përkohësisht edhe detyrën e shefit të detyrës të të gjitha shërbimeve amerikane të sigurisë.
Top Channel
