Koncesioni shtesë për Porto Romanon, PD përshëndet kthimin e ligjit në parlament nga Meta: Vendim i drejtë, mbron interesat publik

23/05/2020 14:24

Partia Demokratike përshëndeti vendimin e Presidentit, Ilir Meta i cili kthehu në parlament shtesën për koncesionin e Porto Romanos.

Sipas PD ky koncesion është antikushtetues dhe antiligjor për kthimin e Porto Romanos në një port privat për oligarkët e Ramës.

Më tej në deklaratën e PD thuhet se vendimi i presidentit është i drejtë dhe mbron interesin publik duke mos lejuar grabitjen dhe faljen e pasurive të vendit pa garë dhe në kundërshtim me ligjin tek një grusht klientësh të hajdutit ordiner Edi Rama.

Reagimi i plotë i PD:

Partia Demokratike përshëndet vendimin e Presidentit të Republikës që kthen në parlament koncesionin antikushtetues dhe antiligjor për kthimin e Porto Romanos në një port privat për oligarkët e Edi Ramës.

Vendimi i Presidentit është i drejtë dhe mbron interesin publik duke mos lejuar grabitjen dhe faljen e pasurive të vendit pa garë dhe në kundërshtim me ligjin tek një grusht klientësh të hajdutit ordiner Edi Rama. 

Ky vendimi korruptiv dhe i paligjshëm që u mor në mes të krizës ekonomike kur mbi 100 mijë vende pune u mbyllën dhe mijëra familje e biznese u braktisën dhe u lanë në mjerim, është një akt tradhëtie kombëtare nga Edi Rama, hajduti i babëzitur dhe armiku i mirëqenies së shqiptarëve.

 Parlamenti dhe qeveria e re e dalë nga votat e shqiptarëve do ta anullojë këtë vendim të paligjshëm dhe do t’i vendosë të gjithë përgjegjësit para drejtësisë.

Top Channel